A cita, xa consolidada no calendario deportivo do municipio, se celebrará o vindeiro sábado, 20 de xullo.
O vindeiro sábado, 20 de xullo, no marco do Calendario Galego de Augas Abertas, vaise a celebrar no entorno do Miño, na zona dos Robles, a VII Travesía a Nado Cidade de Lugo, organizada polo Clube PortaMiñá e que conta coa colaboración do Concello de Lugo e Estrella Galicia.
Segundo sostivo o edil de Deportes, Miguel Fernández, durante a presentación desta travesía, participarán 150 persoas procedentes de Galicia, Portugal e Asturias, de todas as categorías. “Este evento é un clásico xa no calendario deportivo da cidade. Ademais da práctica deportiva, esta iniciativa permitiranos gozar dunha contorna privilexiada como é o noso río, así como dar a coñecer a nosa cidade a todos os participantes e visitantes”.
O concelleiro estivo acompañado na presentación polo presidente do Club Natación PortaMiñá Lugo, Fernando Timiraos, e Pedro Gay, delegado de Estrella Galicia para Lugo.
O voceiro municipal lembrou o traballo que realiza o club organizador non só nesta proba, senón ao longo de toda a tempada deportiva.
Audio
- Miguel Fernández | Descargar mp3