A nova plataforma terá dúas finalidades principais. Por unha banda, mellorar a relación e a comunicación entre a cidadanía e a Administración e, por outra, integrar nun mesmo sistema as distintas aplicacións municipais de xestión.

Durante os meses de xaneiro e febreiro realizáronse unha serie de consultas preliminares con varias empresas do sector tecnolóxico que previamente mostraran interese en presentar o funcionamento e as capacidades das súas aplicacións informáticas.

Este proceso consultivo permitirá definir con maior precisión as necesidades do Concello e desembocará na próxima licitación do contrato, coa que o Goberno local pretende dar un salto cualitativo no achegamento da administración municipal á cidadanía.