Ao longo desta semana continúa o Escape Room sobre o misterio de Sherlok Holmes e as Contadas xuvenís sobre o Nadal, que organiza a área de Xuventude. A primeira actividade desenvolverase mañá xoves, 31 de decembro e o sábado 2 de xaneiro, na Casa da Xuventude. Hai 3 sesións diarias para este xogo de escapismo, unha en xornada de mañá, ás 11:00 horas, e dúas en quenda de tarde, ás 17:00 e 19:30 horas. As mozas e mozos interesados en participar poden inscribirse no teléfono da Casa da Xuventude, no 982 29 74 44. O grupo por sesión é de máximo 6 persoas. Este mesmo Escape Room repetirase a vindeira semana, concretamente os días 4, 5, 7, 8 e 9 de xaneiro, mantendo os mesmos horarios.

Ademais, Xuventude organiza este sábado, 2 de xaneiro, a terceira sesión das Contadas Xuvenís sobre o Nadal, dirixida a rapaces e rapazas de entre 12 e 17 anos. Terá lugar na Praza do Camiño Primitivio, de 12:30 a 13:30 horas. Nestas contadas haberá sitiro para A historia máis famosa de Dickens, Nadal infantil en Gales ou unha adaptación dunha traxedia navideña, un relato de Ágatha Chrisite. A entrada é libre ata completar aforo.

A mocidade tamén ten ao longo dos vindeiros días, concretamente hoxe 30 de decembro e o luns, 4 de xaneiro, a oportunidade de seguir aprendendo receitas típicas da época de Nadal. Será a través de talleres de cociña telemáticos, que se emitirán ambos os dous días ás 18:15 horas, dende as redes sociais oficiais de Xuventude de Lugo.