O goberno de Lara Méndez, a través do Servizo de Prevención de Drogodependencias e outras adiccións, adscrito á concellería de Xuventude que dirixe Mauricio Repetto, abrirá do día 18 ao 26 de maio o prazo de inscrición do curso de plataforma elevadora, dirixido principalmente a persoas desempregadas.

A formación terá unha duración de 8 horas, e poderán acceder a ela medio centenar de  persoas desempregadas e empadroadas na cidade de Lugo, cunha idade comprendida entre os 18 e os 55 anos. “Con esta iniciativa queremos axudar a mellorar a empregabilidade dos participantes e promover a súa inserción laboral a través da adquisición de coñecementos que están a ser moi demandados polo mercado laboral”, segundo apunta o edil.

Os participantes aprenderán os elementos construtivos e de seguridade dos diferentes tipos de plataformas e as súas características, as normas de manexo e a compatibilidade cos lugares de traballo. Ademais, se explicarán os comportamentos seguros e o uso profesional desta maquinaria e vehículos.

A actividade está incluída no programa “Especialízate”, do +Xti, que subvenciona o Plan Nacional sobre Drogas.

Para participar, é necesario inscribirse a través da web www.lugomasxti.org . Faránse 2 grupos de 25 persoas que se distribuirán da seguinte maneira:

PARTE TEÓRICA

28 de maio de 2022:

• Grupo A (25 prazas) das 08.00 ás 11.00 h
• Grupo B (25 prazas) das 11.00 ás 14.00 h

PARTE PRÁCTICA

30 de maio de 2022:    

• Grupo A (12 prazas) das 16.00 ás 21.00 h

31 de maio de 2022:    

• Grupo A (13 prazas) das 16.00 ás 21.00 h

1 de xuño de 2022:      

• Grupo B (12 prazas) das 16.00 ás 21.00 h

2 de xuño de 2022:      

• Grupo B (13 prazas) das 16.00 ás 21.00 h

Máis info

• Cartel "Curso de Plataforma Elevadora" | Descargar pdf