O Goberno de Lugo volveu premiar aos e ás atletas do Circuíto Larsa Corre con Nós coa segunda gala deste circuíto. A Alcaldesa de Lugo, Lara Méndez, o Concelleiro de Deportes e Medio Rural, Miguel Fernández, e as concelleiras de Economía, Emprego e Desenvolvemento Económico e Concello e Cidadanía, Ana Prieto e Rosana Rielo, respectivamente; e outros membros da Corporación Municipal, foron os encargados de entregar os distintos trofeos e diplomas nunha cita que tivo lugar no Auditorio Municipal Gustavo Freire e na que tamén estivo presente a danza e a música. Tamén houbo sorteo de agasallos.

En total, máis de 120 atletas foron premiados no evento que conduciu o deportista Felipe Barata, e no que tamén estiveron presentes representantes dos distintos patrocinadores que ano tras ano apoian este circuíto, sen os cales o éxito das distintas carreiras que engloba non sería o mesmo. Entregáronse distintivos para as seguintes categorías:

• Liga Larsa de adultos
• Liga Caixa Rural categorías menores
• Liga escolar Decathlon
• Clasificación Coca-Cola por equipos
• Clasificación familiar Centro comercias As Termas
• Clasificación Larsa final por sexos
• Clasificación Larsa final compensada

Ademais, esta cita tivo un oco para o recoñecemento a unha figura emblemática do atletismo popular lucense, Daniel Aguilar.