O Concello de Lugo xa informou da interrupción do subministro á residencia de maiores das Gándaras e o HULA, a partir das 07.00 da mañá, para que teñan preparados os seus depósitos.
O corte afectará ás zonas de Cima de Vila, A Campiña, A Fervedoira, Muxa e As Gándaras, e se agarda que o servizo quede reestablecido nesa mesma xornada.
As actuacións que se están a levar a cabo permitirán conectar a rede de abastecemento do parque empresarial coa tubaxe arterial municipal.
- Tema
As obras que Xestur está a executar no polígono empresarial das Gándaras, e que afectan ás ampliacións contempladas nas fases IV e V, obrigarán ao corte do subministro de auga o vindeiro martes, 18, a partir das 07.00 da mañá, en varias zonas de Lugo. De feito, desde o Concello de Lugo xa informaron da interrupción do subministro tanto á residencia de maiores das Gándaras como ao Hospital Universitario Lucus Augusti, para que poidan ter preparados os depósitos de auga dos que dispoñen e cubrir así o abastecemento durante o corte do subministro.
O Concello cumpre así coa solicitude de Xestur, para que poida executar a conexión da rede de abastecemento do polígono das Gándaras, nas citadas fases, coa tubaxe arterial do Concello de Lugo. Desde o servizo municipal agardan que o abastecemento quede restablecido na mesma xornada do martes.
O corte de auga afectará, ademais de á parte superior do barrio das Gándaras, á citada residencia e ao Hula, aos barrios e parroquias de Cima de Vila, A Campiña, A Fervedoira e Muxa.