- Tema
O Centro de Empresas e Innovación do Concello de Lugo (CEI) organizou un seminario co título “Xeración e mediación de ideas empresariais”, que se celebrará durante tres xoves seguidos, a partir do día 7 de xuño e para o que a inscrición está pechada con 30 persoas anotadas.
Este seminario consta de 15 horas que se desenvolverán de catro a nove da tarde cada un dos tres días. A formación está a cargo da empresa BIC Galicia e é totalmente gratuíta.
Os interesados en informarse sobre o tipo de cursos poden facelo a través do teléfono 982 26 42 60 ou na dirección electrónica formación@cei.lugo.es.
Ademais, o Centro acolle esta tarde un seminario que leva por título “Como pedir subvencións da Administración”.
Trátase dunha nova acción formativa totalmente gratuíta e orientada especialmente a empresarios e emprendedores.
O seminario comezará ás seis da tarde e ao finalizar o mesmo os participantes poderán preguntar polo seu caso particular aos ponentes, técnicos do Centro de Innovación e Transferencia de Tecnoloxía da Universidade de Santiago de Compostela.