A concelleira de Participación e Servizos para a Veciñanza, Cristina López, visitou a 4ª edición da Xornada de Intercambio de Artigos Cervexeiros de Lugo, organizada pola Asociación de Coleccionistas Cervexeiros de Galiza. Cristina López agradeceu a participación "temos preto de 20 expositores que achegan parte da súa colección dende diferentes partes do estado e dende Portugal".

A xornada agrupa a unha serie de expositores que mostran as súas pezas relacionadas, todas elas, coa cervexa. Achegaranse coleccionistas de botellas de cervexa, chapas, pousavasos, etiquetas, vasos serigrafiados e outros artigos coleccionables procedentes de todo o mundo. A concelleira de Participación destacou que "é unha oportunidade única para coñecer o mundo do coleccionismo relacionado coa cervexa", e engadiu "os colecionistas acheganse a Lugo para intercambiar obxectos entre eles e amosarllos á xente que visita a mostra".

A mostra conta co apoio de La Craft, cervexaría artesá ubicada no Mercado Municipal, que permitiiu degustar distintas cervexas artesás realizadas en Lugo.