O Concello de Lugo, aposta por colaborar con actividades deste tipo que axudan a dinamizar sectores como o comercio, o turismo, o lecer ou a cultura.
“Este tipo de iniciativas, amplían a oferta de opcións turísticas para visitantes que buscan vivencias de calidade, seguras, diferentes e en contornas naturais” destacou Méndez.
A Catedral de Lugo, acollerá no día de mañá a productores, catadores, hostaleiros, enólogos, críticos, sommeliers, amateurs e preto de 30 adegas de toda Galicia.
A alcaldesa de Lugo, Lara Méndez, asistiu esta mañá a actividade na que colabora o Concello incluída no programa Lucus In Vino Veritas 2021, “Aperitivo Maridaxe” que en menos de 24h agotou o aforo. A rexedora incidiu na necesidade de promover actividades coma esta da que destacou "a súa capacidade para dinamizar outros sectores como o comercio, o turismo, o lecer ou a cultura".
O acto tivo lugar no Cei-Nodus ás 12.30h, e tamén asistiron a concelleira de Desenvolvemento Local e Emprego, Ana G. Abelleira e o edil de Xuventude e Deportes, Mauricio Repetto. 5 Chefs da Asociación Cociñeiros Lugo, crearon 5 tapas especiais, cun coidado servizo realizado polos alumnos do CPR Fundación Belarmino Fernández Iglesias e maridado pola recoñecida catadora profesional Susana Barros.
A rexedora agradeceu á organización do evento ‘Lucus In Vino Veritas 2021’ o traballo levado a cabo para implicar a productores, catadores, hostalería, enólogos, críticos, sommeliers, amateurs e como non a preto de 30 adegas de toda Galicia, a estar maña nun acto que pon novamente a Lugo no mapa. “A cultura do viño está a vivir un momento de gran interese, converténdose ademais nunha actividade na que a práctica turística, enriquece e fortalece o aproveitamento de recursos do territorio, patrimonio cultural e medio ambiental. Os turistas, cada vez máis experimentados, presentan novas esixencias e motivacións e ante esta situación, dende o Concello seguiremos a impulsar este tipo de iniciativas, que amplían a oferta de opcións turísticas para visitantes que buscan vivencias de calidade, seguras, diferentes e en contornas naturais” destacou Méndez.
“Aperitivo Maridaxe” : Chefs da Asociación Cociñeiros Lugo e Tapas Especiais:
- Michel Cociña: Choco marinado con romeu, tomate confeitado e praliné de cacahuete.
- Alejandro Mendes (Os Cachivaches): Raia a 68° coa súa pel, e un mollo ligado de codium e leituga de mar.
- Mar Orosa (Restaurante o Oviedo, Ribadeo): Mojama de albaroca e romescu.
- David Moledo, (Restaurante a Mirandilla de Rinlo): Taco de rabo de vaca en envolto nunha lámina de touciño.
- Pablo Vila Cano, (Director alimentos e bebidas, Cadea OCA hoteis): Biscoito de choco branco, cereixas e cebreiro. Pera ao godello e xeado de Iogur.
