A Xunta de Goberno celebrada hoxe aprobou a contratación da modernización do sistema de evacuación de augas pluviais no cemiterio municipal. Segundo indicou Cristina López, “trátase dun traballo importante para o Cemiterio Municipal que axudará á mellora da súa imaxe e reducir o mantemento do sistema actual de evacuación”.

A actuación foi contratada po 22.146,53 e ten un prazo de realización dun mes. Realizarase a rehabilitación e reconstrución de cunetas, canles e salvacunetas de formigón, xunto co nivelado, alisado e remate con pavimento e a conexión coas redes de evacuación existentes.

“Trátase dunha actuación moi demandada nos últimos tempos pola veciñanza de Lugo”, informou Cristina López, que engadiu “desde a área de Participación traballamos para que Lugo conte cun Cemiterio Municipal público e referencial”.

Audio

• A edil de Participación, Cristina López, sobre a Xunta de Goberno | Descargar mp3