As dependencias administrativas do Concello de Lugo estarán pechadas ó público o venres día 22 de maio, debido á celebración da festa de Santa Rita, patrona dos funcionarios da administración local
- Tema
Para a celebración da devandita festa, os traballadores municipais organizaron unha comida de confraternización que terá lugar o mesmo venres no restaurante do Gran Hotel.
Ademais, o persoal do Concello participa en diversas actividades deportivas e de lecer, como son o campionato de Parchís e de Tute, que se celebran o mércores 20 de maio ás 16.30 horas no Centro Convivencia Uxío Novoneyra; o campionato de Xadrez, tamén no Centro de Convivencia Uxío Novoneyra, pero o xoves 21 ás 16.30 horas. As actividades rematan o venres 22 de maio ás 11 horas cunha carreira popular no adarve da Muralla, con saída dende a Porta de Santiago.