O Goberno premia aos e ás atletas do Corre con Nós coa segunda gala deste circuíto

Miguel Fernández anunciou o evento, que será este domingo, no Auditorio Municipal Gustavo Freire a partir das 19:00 horas. Recoñeceranse a máis de 120 deportistas

Ademais, esta gala converterase nun recoñecemento a unha figura emblemática do atletismo popular lucense, Daniel Aguilar, así como á súa dilatada traxectoria atlética popular polo mundo

Mércores, 28 de novembro de 2018
Fonte: 
Gabinete de Prensa
O Goberno premia aos e ás atletas do Corre con Nós coa segunda gala deste circuíto

O Concelleiro de Deportes e Medio Rural, Miguel Fernández, anunciou este mércores a data de celebración da segunda gala do Circuíto Larsa Corre con Nós, impulsada polo Concello. Será este domingo, 2 de decembro, e repite escenario: o Auditorio Municipal Gustavo Freire, a partir das 19:00 horas.

Deste xeito, o Goberno celebra por segundo ano esta cita, que serve para homenaxear a todos e todas as atletas desta clásica proba, que se ten metido nos últimos anos no calendario galego de citas marcadas no calendario do atletimo. Serve tamén para entregar os premios a todas as categorías deste circuíto.

En total, máis de 120 atletas serán premiados no evento, que é de acceso gratuíto para todos aqueles que queiran acudir acompañando aos seus familiares e amigos. O deportista Felipe Barata conducirá a gala e nela entregaranse os trofeos aos premios e premiadas das seguintes categorías:

  • Liga Larsa de adultos
  • Liga Caixa Rural categorías menores
  • Liga escolar Decathlon
  • Clasificación Coca-Cola por equipos
  • Clasificación familiar Centro comercias As Termas
  • Clasificación Larsa final por sexos
  • Clasificación Larsa final compensada

Entre as distintas entregas haberá proxeccións de vídeo do que foi o circuíto deste ano así como actuacións musicais. Tamén haberá un sorteo de agasallos entre as persoas asistentes.

Ademais, esta gala converterase nun recoñecemento a unha figura emblemática do atletismo popular lucense, Daniel Aguilar, así como á súa dilatada traxectoria atlética popular polo mundo.

Máis información do Circuíto Larsa Corre con Nós na web: http://correconnos.com/pages/web/portada

Audio

Noticias relacionadas