O voceiro municipal, Miguel Fernández, e a Concelleira de Benestar Social, Igualdade e Inclusión, Ana González Abelleira, asistiron este martes na Praza de San Marcos á inauguración da exposición itinerante que conmemora os 15 anos do Proxecto Terra. A mostra está composta por 8 prismas onde se mostra o paso do tempo desta iniciativa posta en marcha polo Colexio de Arquitectos de Galicia, que pretende concienciar dende a infancia sobre a importancia de coidar o medio ambiente.