Este fin de semana disputaranse no Pazo Municipal dos Deportes o IV Trofeo Cidade de Lugo de baile deportivo

Xoves, 08 de novembro de 2012
Fonte: 
Gabinete de Prensa

O Concelleiro de Deportes, José Manuel Díaz Grandío, Berta Figueras e Ruben Díaz pola Escola de Baile Star Dance, presentaron esta mañá o IV Trofeo Cidade de Lugo de Baile Deportivo, que se disputará este domingo a partir das 11:00 horas no Pazo Municipal dos Deportes de Lugo.

Díaz Grandío destacou o enorme esforzo que “leva a cabo este clube deportivo para poder celebrar na nosa cidade unha competición destas características, que reunirá a moita xente de todo España e Portugal e que é puntuable para o Campionato de España” e animou a todos os cidadáns a disfrutar co baile.

Según destacou Berta Figueras, serán 75 as parellas participantes que chegan dende diferentes puntos de Galicia, España e dende Portugal que serán xuzgados por cinco árbitros, 3 de España e 2 chegados dende Portugal. As demostracións serán de baile deportivo no que destacan as modalidade de Standard e Latinos.

A venda de entradas será no Pazo dos Deportes, e será de entrada gratuíta para os menores de 12 anos; a entrada para maiores de 12 anos séra de 7 euros. 

Multimedia

Noticias relacionadas