O Executivo de Lara Méndez, levará a cabo unha nova campaña de sensibilización sobre o abuso do consumo de alcohol e outras drogas enmarcada na programación do +Xti, organizada polo Concello, a través da área de Xuventude e subvencionada polo Plan Nacional de Drogas, co obxectivo concienciar á mocidade e dotar de información axeitada.

Dende a Concellería, estanse a levar a cabo campañas, que teñen como finalidade atrasar o inicio de consumo de bebidas alcohólicas nos menores e un consumo responsable nos adultos.   Neste senso, durante o mes de xuño levaranse a cabo accións con diferentes puntos de encontro, nos que se informará dos perigos do alcol, haberá xogos, agasallos para a cidadanía, entre outras actividades.

Trátase pois, de sensibilizar sobre un consumo responsable de alcol por parte de toda a sociedade. Esta campaña está dirixida á mcidade lucense, adultos e familias porque consideramos que é un tema que implica a toda a sociedade.

Dende o Concello de Lugo, explican que, seguirán apostando pola educación en todos os campos como fórmula de cambio da sociedade e en promover unha vida saudable que abarque non só o benestar físico senón tamén o emocional como neste caso.

Campaña de sensibilización sobre o abuso do consumo de alcohol e outras drogas:

Sábado, 3 de xuño

• Pavillón Municipal dos Deportes de Lugo
• De 17:30 a 20:30 h.

Martes, 6 de xuño

• Facultade de Veterinaria
• De 16:30 a 19:30 h.

Xoves, 8 de xuño

• Biblioteca Intercentros
• De 11:00 a 14:00 h. 

Martes, 13 de xuño

• Pr. Horta do Seminario, nas proximidades da Facultade de Formación de Profesorado e do IES Virxe dos Ollos Grandes
• De 11:00 a 14:00 h.

Sábado, 17 de xuño

• Pavillón Municipal dos Deportes de Lugo
• De 17:30 a 20:30 h.