O edil de Infraestruturas Urbanas, Alexandre Penas, visitou a Avenida de Madrid, onde continúan os traballos de mellora da vía postos en marcha pola Tenencia de Alcaldía. Nos últimos días, renovouse a sinalización horizontal da rúa, e actualmente os traballos continúan co bacheo da zona inferior da rúa.

Alexandre Penas afirmou que "desde a Tenencia de Alcaldía seguimos traballando para mellorar os espazos públicos, planificando os traballos en base ás visitas aos barrios e ás reclamacións da veciñanza", e reclamou ao Goberno do Estado "que se implique á hora de mellorar os espazos públicos de Lugo". Penas afirmou que Lugo conta con dúas infraestruturas "que demostran o estado de abandono no que deixan a Lugo", como son a rotonda do final da Avenida de Madrid e a unión da N-VI coa avenida de Breogán e a Estrada de Santiago.

A Tenencia de Alcaldía planifica a realización destas intervencións nos meses de verán, aproveitando as condicións climáticas favorables desta época do ano, xa que o bo tempo é esencial para garantir a calidade do asfaltado, garantindo que a solución aplicada dure o máximo tempo posible en bo estado. Penas destacou o compromiso da Tenencia de Alcaldía coa mellora das rúas da cidade, mellorando tanto o estado do firme como o pintado, aumentando a seguridade de peóns, ciclistas e persoas con mobilidade reducida, reducindo resbalóns nos pasos de peóns e aumentando a seguridade.

Audio

• O edil de Infraestruturas Urbanas, Alexandre Penas, sobre a Avenida de Madrid | Descargar mp3