O Concello vén de publicar a lista provisional de persoas admitidas para concorrer as 12 prazas de combeiro/a-conductor/a que convou o Goberno de Lugo, concretamente 6 pertencentes á oferta pública de emprego (OPE) do 2015 e outras 6 incluídas na oferta pública de emprego de 2016. Así o avanzou o Concelleiro de Persoal e Desenvolvemento Sostible, Daniel Piñeiro, quen indicou que para este proceso selectivo de oposión por quenda libre están admitidas 186 persoas, das 309 que presentaron as súas solicitudes.

Tal e como se publica no anuncio do Boletín Oficial da Provincia de hoxe martes, existe un prazo de dez días hábiles para emendas, é decir, dende mañá mércores ao 7 de xaneiro, ambos os dous incluídos. A listaxe tamén pode consultarse na páxina web do Concello, www.lugo.gal, no apartado de Emprego Público ou tamén no 010.

Este é un paso máis do equipo de Lara Méndez, que continúa tanto a traballar para reforzar o persoal das distintas áreas municipais, como apostando por incrementar a plantilla dun servizo tan imprescindible como o de extinción de incendios de Lugo, "algo que sabemos que é unha necesidade moi grande", dado as características do propio servizo municipal de bombeiros, que ademais nos últimos anos rexistrou diversas xubilacións. Deste xeito, o Goberno tamén cumpre coa palabra e coas peticións dos propios profesionais do parque.

Audio

• O concelleiro Daniel Piñeiro sobre o oferta de emprego público de "Bombeiros" | Descargar mp3