A alcaldesa de Lugo, Paula Alvarellos, quixo mostrar o seu apoio aos e ás triatletas do equipo Cidade de Lugo - Fluvial, que este fin de semana competirán no Campionato de España de Triatlón en Banyoles. “Contades co apoio de todos os lucenses e lucenses, que confían en que lograredes o éxito e levaredes o nome de Lugo ao máis alto, demostrando que Lugo é Deporte”, destacou a rexedora.

Alvarellos tamén fixo referencia ao momento en que os e as deportistas acompañaron á alcaldesa na inauguración da rampa de acceso ao río Miño, destacando o simbolismo deste acto: “Acompañástesme no primeiro paso cara a mellorar a accesibilidade ao noso río. Agora son eu quen vos manda toda a forza para este novo desafío, no que estou segura de que, grazas ao voso esforzo e dedicación, lograredes grandes éxitos”.

A alcaldesa reafirmou o compromiso do Concello co deporte, destacando o papel fundamental dos clubs locais no impulso de valores como o traballo en equipo e a superación.