O mercado Nadalmente Lucense, promovido polo Executivo de Paula Alvarellos, continúa enchendo a Praza Maior de Lugo de maxia e actividades para toda a familia durante estas festas. A iniciativa busca dinamizar o comercio local e ofrecer un espazo de lecer para pequenos e maiores. Neste senso, a programación para os vindeiros días inclúe obradoiros infantís, xogos tradicionais, contacontos e exhibicións de danza, ademais da visita de Papá e Mamá Noel, que farán as delicias dos máis pequenos.

Así, o edil de Dinamización Económica, Mauricio Repetto, convidou a toda a cidadanía a participar nesta programación especial: “Queremos que o Nadal en Lugo sexa unha experiencia máxica para as familias e unha oportunidade para apoiar o noso comercio local.”

O mercadiño Nadalmente Lucense non só é un lugar para atopar agasallos orixinais e feitos con mimo, senón tamén unha oportunidade para fortalecer a economía do municipio e poñer en valor o talento dos emprendedores e emprendedoras lucenses.

Un nadal máxico na Praza Maior

O Mercado de Nadal conta con casetas decoradas, iluminación especial e un horario amplo: de 11:00 a 14:30 e de 16:30 a 21:00 horas, excepto os días 24 e 31 de decembro, con horario reducido ata as 14:30 horas, e os días 25 e 1 de xaneiro, cando permanecerá pechado.

A programación de actividades para os vindeiros días será a seguinte:

Sábado 21

• De 11:00 a 14:30h Visita de Mamá Noel
• 12:00 a 14:00h: Exhibición de Star Dance
• 14:00 a 14:30h: Contacontos navideño
• De 16:30 a 21:00h Visita de Papá Noel
• 17:30 a 18:30h: Exhibición Fábrica de Sons, Escola de Música
• 18:30 a 19:30h: Exhibición Maggie Dance
• 20:00 a 21:00h: Obradoiro manualidades “ Escribindo a carta a Papá Noel “

Domingo 22

• De 11:00 a 14:30h Visita de Papá Noel
• 11:00 a 11:30h: Contacontos navideño
• 12:00 a 13:30h: Obradoiro manualidades “ Escribindo a carta a Papá Noel “
• 13:30 a 14:30h: Xogos Tradicionais
• De 16:30 a 21:00h Visita de Papá Noel
• 16:30 a 19:00h: Exhibición escuela Gravitty
• 19:00 a 20:00h: Espectáculo Maxia co Mago David Méndez
• 20:00 a 21:00h: Obradoiro manualidades “ Escribindo a carta a Papá Noel “

Luns 23

• De 11:00 a 14:30h Visita de Mama Noel
• 11:00 a 12:30h: Obradoiro manualidades de Nadal
• 12:30 a 13:30h: Xogos Infantís navideños
• 13:30 a 14:00h: Contacontos infantil
• De 16:30 a 21:00h Visita de Mamá Noel
• 16:30 a 21:00h: Festa de Nadal de Raiolas
• 17:00 a 18:00h: Exhibición Escuela de Danza Victoria Gil

Martes 24

• De 11:00 a 14:30h Visita de Mamá Noel
• 11:30 a 12:30h: Obradoiro de manualidades de Nadal
• 13:00 a 13:30h: Kid & Us. Contacontos
• 13:30 a 14:30h: Xogos tradicionais

Audio

• O edil de Dinamización Económica, Mauricio Repetto, sobre o Mercado de Nadal | Descargar mp3