A prospección realizada esta mañá na zona do río na que está prevista a instalación da rampla deu como resultado a aparición doutros dez exemplares que se trasladaron a unha das zonas reservadas para acoller a estes moluscos, e que foi acordada previamente. Tamén se fixo o propio, como medida preventiva, con outros 36 bivalvos, que aínda que non estaban na zona reservada á colocación da pasarela, descubríronse na contorna próxima, o que motivou o seu traslado final. Os exemplares atopados nesta nova prospección pertencen ás especies Potomida littoralis e Unio delphinus.

Ademais, a petición da Xunta de Galicia, mañá haberá unha nova revisión, coa que se quere comprobar que non haxa máis exemplares, trala cal o Executivo de Paula Alvarellos agarda comezar a instalación da pasarela.