O Concello realiza o acondicionamento das zonas verdes do entorno da Muralla tras o paso da Volta Ciclista

Daniel Piñeiro comprobou de primeira man as tarefas que a entidade local está a acometer para que o entorno deste monumento bimilenario volva ao seu aspecto habitual

Luns, 29 de agosto de 2016
Fonte: 
Gabinete de Prensa
O Concello realiza o acondicionamento das zonas verdes do entorno da Muralla tras o paso da Volta Ciclista

O Concelleiro de Desenvolvemento Sostible e Persoal, Daniel Piñeiro, supervisou este luns as zonas verdes do entorno da Muralla onde se instalaron os camións que deron servizo á organización da Volta Ciclista a España, que concentrou o pasado mércores na zona de meta a 10.000 persoas. Alí se atopan dende primeiras horas da mañá os operarios de mantemento de parques e xardíns, que procederán ao longo dos vindeiros días a recuperar o aspecto habitual destas zonas. Non en van, dende o mesmo momento en que os vehículos abandonaron ese emprazamento, o Concello de Lugo iniciou o dispositivo para acondicionar os xardíns anexos á Muralla Romana, valorando e inspeccionando os terreos, tal e como informou o edil. 

Noticias relacionadas