A área de Medio Ambiente instalará 13 cabinas sanitarias en distintos puntos da cidade, 8 delas adaptadas a persoas con mobilidade reducida, dando resposta, deste xeito, a unha demanda veciñal xurdida polo peche dos locais de hostalería. “Como xa fixéramos durante o estado de alarma decretado polo Goberno Central en marzo, dende o Concello procedemos á instalación de aseos portátiles, co fin de atender as novas necesidades derivadas do peche de bares e cafeterías, dando así resposta a unha demanda veciñal”, apuntou Álvaro Santos.

O edil explicou que “atendendo as peticións dos veciños e veciñas, instalaranse un total de 13 cabinas, dúas máis que na anterior ocasión, que serán colocadas no Centro Social da Milagrosa, no entorno de Frigsa, e a carón do Banco de Alimentos, no polígono industrial do Ceao. A previsión é que permanezan dispoñibles até o 11 de decembro”.

Estas instalacións súmanse á decena de aseos que o Concello mantén habilitados, con carácter continuado, noutros puntos da capital, ademais do autolimpable ubicado no Parque Rosalía de Castro, e cos que se pretende dar cobertura ao maior número de zonas posible.

O concelleiro sinalou tamén que “as cabinas serán aseadas e desinfectadas, tanto interior como exteriormente, dúas veces ao día cunha unidade móbil que fará unha limpeza con vapor, chorro a presión e reposición de tódolos materiais que contén como auga, xabón, papel hixiénico e mesmo ambientador”.

A continuación achégase unha relación coa situación das cabinas, tanto as fixas, como as que se veñen de incorporar.

CABINAS SANITARIAS SERVIZOS ESENCIAIS (Nova instalación)

BAÑO PÚBLICO AUTOLIMPABLE PARQUE ROSALÍA DE CASTRO (Fixo)

CABINAS PARQUES E XARDÍNS (Fixas)

Audio

• O edil de Medio Ambiente, Álvaro Santos, sobre a instalación de cabinas sanitarias | Descargar mp3