O executivo de Lara Méndez, a través da área de  Xuventude, segue a organizar actividades seguras e ao aire libre para a mocidade. Agora oferta catro rutas a pé polo Camiño dos Faros, un sendeiro en auxe nos últimos tempos que enxalza os faros e outros numerosos puntos de interese da Costa da Morte.

Mauricio Repetto, concelleiro de Xuventude, anima á mocidade a inscribirse para que poidan coñecer novos espazos en Galicia. “Os tempos actuais demostraron moitas cousas, e unha das máis importantes, e positivas é que nos demos conta da importancia da natureza, e que poder estar en contacto co medio ambiente é fundamental, e para iso o sendeirismo é perfecto”.

A participación en cada actividade, que é gratuíta, seguirá a seguinte orde de prioridade e por rigorosa orde de inscrición:

• Mozos e mozas de 14 a 35 anos, empadroados no Concello de Lugo.
• Mozos e mozas de 14 a 35 anos, que traballen ou estuden no municipio de Lugo.
• Mozos e mozas de 14 a 35 anos, que residan en municipios limítrofes.

E sempre e cando queden prazas vacantes, poderá inscribirse o resto de poboación non superando o 10% de prazas ofertadas en cada actividade.

Rutas a pé polo Camiño dos Faros:

10 de xullo

• Camiño dos Faros pola costa: 1ª etapa: Malpica – Niñóns
• Distancia: 22 km  Dificultade: Alta

24 de xullo

• Camiño dos Faros pola Costa: 2ª etapa: Niñóns – Ponteceso
• Distancia: 26 km  Dificultade: Alta

14 de agosto

• Camiño dos Faros pola Costa: 3ª etapa: Ponteceso – Laxe
• Distancia: 25 km  Dificultade: Moderada-Alta

28 de agosto

• Camiño dos Faros pola Costa: 4ª etapa: Laxe – Arou
• Distancia: 18 km  Dificultade: Moderada

O punto de partida e de chegada de todas as rutas é a Casa da Xuventude. A Concellería solicita avisar no caso de ter praza e non poder asistir.

Audio

•  O edil de Xuventude, Mauricio Repetto, sobre as Rutas para a Xuventude | Descargar mp3