A alcaldesa de Lugo, Paula Alvarellos, recibiu a varios e varias integrantes da Asociación de Veciños Ronda Mercedes-Músico Xosé Castiñeira, na que foi a primeira reunión institucional de parte da súa directiva coa rexedora municipal. As e os responsables desta asociación trasladaron á alcaldesa varias propostas e demandas para mellorar este barrio, centradas especialmente en intervención de sinalización e iluminación, ademais de actuacións referidas ao mobiliario urbano neste barrio da zona sur da cidade.