A alcaldesa de Lugo, Paula Alvarellos, supervisou esta mañá  o centro de control móbil da Policía Local para o San Froilán antes da entrada en funcionamento hoxe ás 20 horas do dispositivo especial de vixilancia para as festas patronais. O obxectivo desta iniciativa promovida polo Executivo municipal é dotar ao corpo policial dunha ferramenta avanzada que permita supervisar o recinto en tempo real, reducindo o porceso de resposta ante calquera incidencia e facilitando así unha intervención inmediata e precisa. "É como ter un par de ollos en cada punto do recinto, o que multiplica a nosa capacidade de resposta e prevención," afirmou a rexedora.

O centro de control está conectado con cámaras estratexicamente situadas en todo o recinto feiral e nas zonas máis sensibles do centro histórico, especialmente nos días e horas de maior afluencia de público. Ademais, o dispositivo conta coa dotación dun dron policial de alta definición cuxa imaxe a transmitida de forma simultanea ao centro operativo e que vai realizar vos de forma continuada nos momentos de máxima afluencia e durante os eventos que rexistran unha maior concentración de público. “ Podemos controlar unha área de varios quilómetros cadrados sumando todos os dispostivos operativos”, sinalou a rexedora.

Esta monitorización permitirá previr concentracións masivas e ofrecer unha vixilancia máis efectiva. "O noso obxectivo é velar pola seguridade de todas e todos os cidadáns, para que poidamos gozar dunhas festas marcadas pola concordia e a convivencia," destacou Alvarellos. De feito,  que as innovacións introducidas no dispositivo de vixilancia acadaron na pasada edición minorar  o número de actos delituosos máis habituais nesta contorna, como son os furtos.

“Este ano contamos con nova tecnoloxía que permite situarnos graficamenete a un metro de calquera posible delito que poida cometerse no feiral”, indicou o responsable do dispositivo. O novo centro de control móbil está situado na Praza Horta do Seminario. A gravación de todas as imaxes rexistradas polas cámaras e a súa conservación realizarase cumprindo co disposto na Lei Orgánica 3/2018, de Protección de Datos Persoais e garantía dos dereitos dixitais.