A alcaldesa Paula Alvarellos recibiu esta mañá a visita do presidente de Tradime, José Fernández, no que foi o primeiro encontro institucional entre a rexedora e o colectivo. Esta reunión de traballo tivo por obxectivo reforzar a colaboración entre o Concello e  a asoaciación de transportistas lucenses.  Esta entidade, que agrupa a empresarios de transporte discrecional de mercadorías da provincia de Lugo, está integrada dentro da Confederación de Empresarios de Lugo, CEL, así como dentro da Federación Galega de Transportes e a Confederación Española de Transporte de Mercadorías, CETM.

Pola súa banda, Alvarellos Fondo amosou a máxima disposición por parte do Goberno local que dirixe para ampliar os vínculos de colaboración cos transportistas e mostrou a súa intención de impulsar distintas iniciativas, no ámbito da competencias municipais, que contribúan a competitividade do sector.