O historiador Julio Reboredo presentou este martes no Salón de Plenos o seu libro Lugo, Maio de 1836: O Nacemento dunha Rúa, que se publica con motivo do 180 aniversario da Rúa da Raíña, sobre o nacemento e a evolución da mesma. Neste libro estuda as orixes desta rúa, eixo do Lugo liberal, e a vida do seu primeiro epónimo, o coronel Joaquín Cayuela. O escritor e académico Darío Xohán Cabana acompañou ao historiador nesta presentación, que contou coa presenza de numeroso público.