Trátase dos cursos de balde de Lightroom, Photoshop, FL Studio e After Effects, que impartirá Álvaro L. Barreiro. Será tras o verán, no Edificio de Novas Tecnoloxías, todos eles en xornada de 17:00 a 19:00 horas
A entidade local ofrece 8 prazas para cada curso, que se desenvolverá de 17:00 a 19:00 horas. As persoas interesadas poden inscribirse dende mañá mesmo, nas propias instalacións do Edificio de Novas Tecnoloxías, ata o xoves antes da data de inicio dos cursos
- Tema
A Concelleira de Concello e Cidadanía en funcións, Rosana Rielo, presentou este mércores, no Salón de Plenos, novas actividades gratuítas de novas tecnoloxías, neste caso 4 cursos, ben sobre edición fotográfica ou de producción musical, que acollerá o Edificio de Novas Tecnoloxías tras o verán.
Trátase dos cursos de balde de Lightroom, Photoshop, FL Studio e After Effects, que impartirá Álvaro L. Barreiro. Concretamente serán do 9 ao 13 de setembro, do 16 ao 20 de setembro, do 23 de setembro ao 1 de outubro, e do 5 de novembro ao 17 de decembro, respectivamente.
O Concello ofrece 8 prazas para cada curso, que se desenvolverá de 17:00 a 19:00 horas. As persoas interesadas poden inscribirse dende mañá mesmo, nas propias instalacións do Edificio de Novas Tecnoloxías, ata o xoves antes da data de inicio dos cursos.
Ademais, o Concello disporá nos vindeiros días de 8 licenzas destes programas no Edificio de Novas Tecnoloxías para darlle acceso a toda a cidadanía, de balde, ás técnicas do retoque fotográfico e da mistura musical.
Audio
- Rosana Rielo, sobre os cursos | Descargar mp3