O Concello de Lugo, a través do servizo municipal de Protección Civil, procedeu na mañá deste mércores á limpeza do leito do río Miño no entorno da Estación de Tratamento de Auga Potable (ETAP) co fin de retirar os refugallos existentes no azud que regula o caudal necesario para o abastecemento de auga á cidade. Cinco socorristas con experiencia en mergullo levaron a cabo os traballos, para os que se utilizou así mesmo un camión grúa, que estivo situado na ponte do río, para a retirada dos restos atopados, sobre todo ramas de árbores, pero tamén aparellos inhabituais, como unha caixa forte ou un teléfono móbil.

A Policía Local regulou o tráfico durante a realización das tarefas, que se desenvolveron entre as 9.30 e as 12.00 horas.

O Goberno ordena estas labores de limpeza do leito do Miño no entorno da ETAP todos os anos aproveitando a época estival para garantir o abastecemento de auga.