Con motivo das obras de construción da nova pasarela peonil sobre a Nacional VI, será necesario facer cortes ocasionais de tráfico este luns, a partires das 15.00 horas. Estes cortes poderían prolongarse ata o martes á mañá. Serán cortes puntuais de xeito intermitente, polo que haberá operarios encargados de sinalizar debidamente os cortes e os desvíos posibles.

Este proxecto enmárcase na estratexia DUSI Muramiñae cofinanciada nun 80% con Fondos Europeos de Desenvolvemento Rexional (FEDER) que o Goberno de Lara Méndez puxo en marcha para unir a trama urbana da cidade co Río Miño mellorando a mobilidade e a accesibilidade a través da zona do Carme. A pasarela peonil mellorará a comodidade e seguridade de acceso á contorna fluvial e ao estadio Anxo Carro, dando resposta, ao mesmo tempo, a unha vella demanda da cidadanía lucense.