Preto de 700 corredores participaron este domingo na carreira Corre con Nós-Corre con Elas, a cuarta proba do XVII Circuíto Larsa Corre con Nós, organizada polo Concello co fin de promover a igualdade no eido deportivo, dentro dos actos conmemorativos do Día Internacional da Muller. A Alcaldesa, Lara Méndez, asistiu á xornada deportiva, xunto co Concelleiro de Deportes e Medio Rural, Miguel Fernández, e a Concelleira de Benestar Social, Igualdade e Inclusión, Ana González Abelleira, que foron os encargados de dar as distintas saídas e de entregar os premios das categorías inferiores da carreira, que discorreu polo entorno da estrada de Ombreiro.