A concellería de Infraestruturas realiza mantementos no Aparcadoiro Municipal do HULA

Alexandre Penas: “realizaremos os mantementos precisos para que este aparcadoiro esté nas mellores condicións posíbeis”

Estas operacións de mantemento non implican custos para o concello, xa que están contempladas no contrato da obra

Domingo, 31 de maio de 2020
Fonte: 
Gabinete de Prensa
A concellería de Infraestruras realiza mantementos no Aparcadoiro Municipal do HULA

O concelleiro de Infraestruturas Urbanas, Alexandre Penas, informou que durante os pasados días se realizaron actuacións de mantemento no Aparcadoiro Municipal do HULA. “Debido ao material utilizado, os aparcadoiros realizados con este tipo de materiais requiren de mantementos periódicos”, indicou Alexandre Penas, que engadiu “estas operacións de mantemento non implican un custo a maiores para o Concello, xa que están contempladas no contrato orixinal da obra”.

“Dende a concellería de Infraestruturas realizaremos os mantementos precisos para que este aparcadoiro municipal esté nas mellores condicións posíbeis”, afirmou o edil de Infraestruturas, que engadiu “coa actuación realizada no ano 2019, reduciuse o tamaño das fochancas, que antes incluso chegaban a producir que os vehículos quedaran atrapados”.

Alexandre Penas lembrou que “noutras cidades existen aparcadoiros deste tipo, como son os existentes en terreos afectados pola protección de costas, os cales levan anos funcionando co mantemento correspondente”.

Audio

  • O edil Alexandre Penas, sobre o mantemento do Aparcadoiro do HULA | Descargar mp3

Noticias relacionadas