Filtros de seguridade viaria

Tres alcoholemias con resultado positivo (0.59/0.51, 0.55/0.55 e 0.70/0.59 mg/L), sendo os tres condutores denunciados administrativamente, o que supón unha sanción de 1000 euros e a detracción de seis puntos do permiso de conducir.

Un condutor sorprendido cando manexaba o vehículo coa perda de vixencia do permiso para conducir, pola perda total de puntos, polo que se instrúen dilixencias por un presunto delito contra a seguridade viaria.

Un condutor sorprendido ao volante dun turismo cunha condución irregular pola rúa Yánez Rebolo, conseguindo deter a súa marcha na Praza da Milagrosa, comprobando que presenta claros signos externos de atoparse baixo a influencia de bebidas alcohólicas, negándose en rotundo a someterse  ás mesmas, polo que, ademais de por un presunto delito por conducir un vehículo de motor baixo a influencia de bebidas alcohólicas, instrúense tamén dilixencias por unha presunta negativa a someterse ás probas regulamentarias, ambas as dúas polo procedemento de xuízo rápido.

Este condutor, aínda que inicialmente negouse rotundamente a descender do vehículo, para levar a cabo as dilixencias oportunas, de forma repentina baixou do mesmo e comezou primeiro a bracear e logo a golpear cos puños a carrocería do vehículo, facendo ademán de agredir aos axentes, á vez que se dirixía a eles con ameazas, polo que os policías víronse na obrigación de reducirlle, procedendo á súa detención por un presunto delito de atentado contra axentes da autoridade.

Detección de tres vehículos sobre os que figura orde de precinto da Autoridade Municipal. Ambos os vehículos foron trasladados ao Depósito municipal, onde se procedeu ao seu precinto ata que o titular regularice a súa situación.

Controis de velocidade

Leváronse a cabo controles de velocidade en Avd. Madrid, Rolda da Muralla, Avd. Benigno Rivera, Estr. Vella de Santiago e Avd. Infanta Elena, controlando o paso de 2.021 vehículos, sendo denunciados 81 deles por exceder a velocidade máxima permitida na vía. Na Avd. de Infanta Elena, cuxa velocidade máxima atópase limitada a 50 km/h, sorprendeuse a un condutor circulando a 114 km/h.

Auxilio a cidadáns

Ás 4’00 horas do venres, os axentes do Grupo Operativo Nocturno procederon á atención dun mozo de 18 anos que se atopaba tendida en vía pública, na Rúa Nova con Praza do Campo, presuntamente afectada pola inxesta de alcol. Finalmente foi trasladado a un centro sanitario por unha ambulancia.

Control do mercadillo de Frigsa

Durante a mañá do venres, os axentes destinados ao dispositivo de vixilancia e control do mercadillo de Frigsa, despois de realizar o filtro no acceso á zona de mercado, para que non acceda ao mesmo ningunha persoa non autorizada para a montaxe de posto de venda; puideron detectar a presenza de nove postos, xa montados, á fronte dos cales se atopaban persoas non autorizadas, xa que non se trataba dos seus titulares nin persoas relacionadas cos mesmos por contrato laboral.

Intervención de droga

Ás 00’20 horas do martes, cando un indicativo do Grupo Operativo Nocturno observa como un vehículo de mobilidade persoal fai caso omiso á luz vermella dun semáforo na Avd. da Coruña, proceden a deter a súa marcha para denunciar a infracción cometida. Tras comprobar que o condutor consta con antecedentes por tráfico de drogas, os axentes realizan un cacheo superficial, incautándose de certa cantidade de substancia, que portaba no interior dun paquete de tabaco, presuntamente marihuana. Os policías confeccionaron acta de intervención e acta - denuncia por infracción á Lei de Protección da Seguridade Cidadá, por tenencia de drogas tóxicas na vía pública.