Detención

A tarde do día 11 unha patrulla da Unidade Territorial de Policía de Barrio da Policía Local de Lugo, é comisionada pola Sala do 092 para que se traslade á rúa do Carmen xa que ao parecer un home tentara levar unha nena do interior dun vehículo.

Presentados de inmediato son recibidos pola requirente, a cal manifesta que momentos antes observou como un home introduciuse na parte traseira dun vehículo que se achaba estacionado, tentando levar unha nena de 9 anos de idade que había no seu interior, aínda que dada a resposta do resto de persoas que había no vehículo, lograron que cesase na súa actitude, ausentándose do lugar, sendo increpado por outras persoas, entre as que se atopaba.

Así mesmo procédese á identificación das persoas que están na furgoneta, sendo a presunta vítima sobriña dunha elas, manifestando que se achegou un home, abriu a porta do vehículo á vez que facía ademán de coller á nena, saltando esta moi nerviosa e chorando aos asentos dianteiros, polo que o home cesou na súa actitude, ausentándose do lugar.

Os axentes proceden á localización desta persoa de 48 anos de idade, procedendo á súa detención e traslado a dependencias policiais onde se instrúen dilixencias para o Xulgado de Garda.

Controis integrais de alcoholemia, drogas e velocidade

Durante esta fin de semana, por efectivos das distintas unidades do Corpo, intensificáronse os filtros de seguridade viaria para o control integral de alcoholemia e drogas na condución e velocidade, co seguinte balance:

DELITOS CONTRA A SEGURIDADE VIARIA (5)

• Na Av. Reverendo Xosé Fernández dáse o alto a un vehículo, observando que o seu condutor presenta signos de embriaguez, sendo sometido ás probas de alcoholemia, lanzando un resultado POSITIVO de 0,72 mg/l. Así mesmo compróbase que CARECE do permiso de condución ao telo SUSPENDIDO por resolución xudicial, instruíndose dilixencias por DOUS delitos contra a seguridade viaria na modalidade de Xuízo Rápido, inmobilizando o vehículo.
• Na rúa Dinán, no intervalo de 7 minutos detectouse nun control a DOUS condutores lanzaron taxa PENAL nas probas de alcoholemia ás que foron sometidos. O primeiro de 0,73 mg/l e o segundo de 0,68 mg/l., instruíndose dilixencias por DOUS delitos contra a seguridade viaria na modalidade de Xuízo Rápido, inmobilizando o vehículo.
• Na República Arxentina deuse o alto a un vehículo cuxo condutor presentaba signos de embriaguez, lanzando un resultado POSITIVO de 0,72 mg/l., instruíndose dilixencias por DOUS delitos contra a seguridade viaria na modalidade de Xuízo Rápido, inmobilizando o vehículo.
• Na Rolda da Muralla practicáronse probas de alcol ao condutor dun vehículo, lanzando un resultado POSITIVO de 0,75 mg/l., instruíndose dilixencias por DOUS delitos contra a seguridade viaria na modalidade de Xuízo Rápido, inmobilizando o vehículo.

ALCOHOLEMIAS (5)

• Nun control estático de Camiño Real sorpréndese nun período de 15 minutos a DOUS condutores que lanzaron resultado POSITIVO nas probas de alcoholemia:
• 0,36 mg/l
• 0,37 mg/l

• Na rúa Dinán detectáronse DOUS condutores que lanzaron resultado POSITIVO de:
• 0,31 mg/l
• 0,41 mg/l

• Na Rolda da Muralla realízase proba de alcoholemia a un condutor que lanza un resultado POSITIVO de 0,47 mg/l.

Ábrense expedientes sancionadores con multa de 500 euros e a retirada de 4 puntos do permiso de condución, inmobilizando os vehículos.

DROGAS (3)

• En Camiño Real é sometido un condutor a un test de drogas, lanzando un resultado POSITIVO en THC.
• Na Rúa Santiago un condutor lanza resultado POSITIVO en COCAÍNA e THC.
• Na rúa Dinán un condutor lanza resultado POSITIVO en COCAÍNA.

Sanciónase a todos eles con multa de 1.000 euros e a retirada de 6 puntos do permiso de condución, inmobilizando os vehículos.

VELOCIDADE

Realizáronse controis de velocidade en vías do centro urbano onde se detectan un maior número de accidentes, utilizando un radar móbil do Corpo, co seguinte balance:

• Limite de velocidade nas vías: 50 km/
• Vehículos controlados: 665
• Condutores denunciados: 52

VEHÍCULOS PRECINTADOS POR EMBARGO

•  No transcurso destes controis localizouse un vehículo sobre o que pesaba mandamento de localización e captura por EMBARGO, sendo trasladado polo guindastre ao Depósito Municipal, onde queda PRECINTADO ao dispor da Autoridade competente.

Axuda humanitaria

De madrugada, unha patrulla do Grupo Operativo Nocturno da Policía Local de Lugo observa na rúa Milagrosa a un home que se atopa tirado no chan, coa metade do seu corpo na beirarrúa e a outra metade na calzada, con evidente risco que puidese ser atropelado, sendo auxiliado inmediatamente polos axentes que o colocan en lugar seguro, observando que presenta unha forte intoxicación etílica e un forte golpe na cabeza como consecuencia da caída, requirindo a presenza dunha ambulancia do 061, sendo trasladado ao HULA para a súa atención médica.

Unha patrulla do Grupo Operativo Nocturno da Policía Local de Lugo, de servizo no recinto feiral, é requirida por unha muller que lles manifesta que se atopa mal, mostrándose temblorosa e moi nerviosa, xa que non tomara a medicación que lle habían prescrito, sendo auxiliada e tranquilizada, pescudando que reside na provincia de Ferrol e que completamente desorientada subiuse a un autobús ata a cidade de Lugo, deambulando por diversas rúas da cidade, requirindo a presenza dunha ambulancia do 061 que a traslada ao HULA para a súa atención médica, localizando a quen se puidese facer cargo dela.

Venda ambulante non autorizada

Na Praza de Fernando Casas Novoa, unha patrulla da Policía Local de Lugo sorprende a unha persoa que instalara unha mesa, vendendo carne cunha grella, utilizando unha bombona de butano, carecendo de licenza municipal, levantándose acta de denuncia por infracción á Lei de Seguridade Cidadá por ocupación de espazo público para a venda ambulante non autorizada, levantando o posto. Foi sancionado con 600 euros de multa. (foto)

Na Avenida da Coruña procédese á identificación dunha persoa que ocupaba o espazo público con varios produtos de enxoval e decoración para a súa venda, sen autorización algunha, sendo sancionada con 600 euros de multa por infracción á Lei de Seguridade Cidadá.

Na rúa Quiroga Ballesteros, fronte ao mercado Municipal, unha patrulla da Policía Local de Lugo sorprendeu a unha persoa ocupando vía pública para o exercicio da venda ambulante non autorizada, levantándose acta de denuncia por infracción á Lei de Seguridade Cidadá, propoñéndose sanción de 600 euros, ordenándolle que cesase nesta actividade.

Pasado un tempo a patrulla comprobou que esta persoa volvía exercer a venda ambulante non autorizada, desobedecendo as ordes dos axentes, polo que se levanta acta de denuncia por infracción á Lei de Seguridade Cidadá, propoñéndose sanción, que no seu grao mínimo vai desde 601 a 10.400 euros.

Accidentes de circulación con feridos

A tarde do venres un equipo de Atestados da Policía Local de Lugo trasládase á Avenida de Magoi xa que a condutora dun vehículo perdera o control, chocando contra unha árbore. Testemuñas manifestan que o turismo baixou marcha atrás en sentido contrario, resultando con lesións que ao parecer non revisten gravidade a condutora, que foi trasladada ao HULA. Instrúense dilixencias. (foto)

Na Avenida de Benigno Rivera prodúcese un accidente de circulación no que están implicados tres vehículos, resultando que o primeiro choca por alcance co segundo e este desprázase e choca contra o terceiro. Como resultado ademais de danos materiais, dous condutores e catro ocupantes precisaron asistencia sanitaria. Un equipo de Atestado instrúe as oportunas dilixencias.

Accidentes de circulación con danos

A mañá do día 13 un equipo de Atestados da Policía Local de Lugo desprázase á Ronda das Fontiñas xa que ao parecer un vehículo chocara contra un contedor e un turismo estacionado, ausentándose do lugar.

Unha patrulla de Policía Local localízao de inmediato procedendo á súa identificación e levantando o correspondente parte de intervención.

A tarde do día 11 un vehículo que circulaba pola Avenida de As Américas causa danos nunha sinalización, procedendo á identificación do seu condutor, manifestando que leva pouco co carné de conducir e cando saía da glorieta, ao tentar accionar o intermitente deslizóuselle o volante, chocando contra o sinal. (foto)