Acto vandálico

Na tarde do día 25 de abril, unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que acuda ao aparcadoiro da rúa Ramón e Cajal, xa que ao parecer uns mozos estaban a tirar pedras aos vehículos alí estacionados.

Os axentes preséntanse de inmediato e logran a identificación de dous mozos, menores de idade, que recoñecen que estaban a xogar a tirar pedras contra a Muralla e que posiblemente puidesen alcanzar a algún vehículo.

Procédese á identificación das testemuñas do feito que aseguran que os mozos estaban a tirar pedras aos coches, golpeando a un vehículo que xa se ausentou do lugar, informando el mesmo á condutora.

Os policías póñense en contacto cos pais destes dous mozos, informándolles destes feitos, confeccionando o correspondente parte de intervención á espera da presentación das denuncias que puidesen realizarse polos danos causados.

Depósito de residuos

A mañá do día 2 de maio, unha patrulla da Unidade Territorial de Policía de Barrio da Policía Local de Lugo sorprende a dous homes que depositan no interior dun contedor de residuos orgánicos, restos de madeira, un módulo dun moble de cociña e unha campá extractora, sendo identificados e levantando acta de denuncia por infracción á Lei de Residuos. (foto)