A Concelleira Economía, Emprendemento e Autónomos, Sonia Méndez, participou esta mañá xunto co Presidente do Centro Comercial Aberto Lugo Centrum, José Sánchez Bergantiños, a nova Guía de Compras Outono-Inverno 2012.

Como en anos anteriores, este catálogo, pretende dar a coñecer os produtos e servizos ofertados por todos os establecementos adheridos a Asociación Lugo Centrum e no que ademais se acompaña cun plano de localización. Esta publicación repartirase non só nos puntos de venda propios dos asociados senón en lugares con afluencia de visitantes como os hoteis, oficinas de turismo ou restaurantes.

Desta maneira, preténdese incentivar o consumo nos establecementos asociados especialmente de cara o Nadal e dar a oportunidade de coñecer establecementos que poden pasar desapercibidos.