Esta mañá o alumnado de segundo de primaria, do Colexio PP Franciscanos, tivo a oportunidade de coñecer, en primeira persoa en que consiste o traballo dun Policía Local. Unha axente da Xefatura de Lugo trasladábase hoxe ao centro educativo para compartir coas nenas e nenos as tarefas que desempeña o Corpo e o servizo, tan importante, que presta á cidadanía

A xornada tivo lugar no marco do proxecto “Así Falamos”, dentro das materias de ciencias, para achegar ao estudantado as diferentes profesións dunha maneira próxima, coloquial e directa, contada polos seus protagonistas. O ciclo inclúe tamén outras actividades como visitas a un obrador de pan e mesmo a creación dun xornal e a elaboración de anuncios e entrevistas por parte dos cativos.