A Concelleira de Cultura, Turismo, Xuventude e Promoción da Lingua, Carmen Basadre, deu a coñecer este xoves tres novos obradoiros gratuítos que organiza o Concello, no marco do programa +Xtí de prevención no consumo de drogas, dirixido aos mozos e mozas luguesas. Trátase das actividades de cociña multicultural, de elaboración de doces tradicionais caseiros e dun curso básico de iniciación á cociña, que terán lugar no local A Cociña de Pilar, no CEI-NODUS, nos meses de maio, xuño e xullo, respectivamente.

Todos os interesados en participar nestas actividades, que contan con 8 prazas cada un, poden inscribirse na Casa da Xuventude.

“Coa organización destes obradoiros, o Concello busca ofrecer novas alternativas diferentes aos máis cativos para que empreguen o seu tempo de lecer na aprendizaxe de novas habilidades”, subliñou Basadre, quen lembrou que estas novas actividades súmanse a outras que o Concello ten programadas dentro do programa +Xtí, como actividades físicas, artes marciais ou de seguridade viaria.

Máis información en www.lugo.gal

Máis info

• Programación para os cursos de cociña |Descargar pdf