A alcaldesa de Lugo, Lara Méndez, participou este sábado na presentación pública do coche co que o piloto lucense, Sergio Vallejo, correrá na vindeira edición do Rali Dakar 2023, un Century Racing CR6. Méndez aproveitou o evento para desexar “moitos éxitos” ao corredor que participará por primeira vez nesta competición.

A proba desenvolverase entre o 31 de decembro e o 15 de xaneiro de 2023 en Arabia Saudí. O Concello apoia a participación de Vallejo sendo un dos seus patrocinadores nesta cita internacional. Vallejo é un colaborador habitual do Concello, así, impartiu varias sesións formativas vinculadas ao mundo do motor para mozos e mozas de entre 16 e 40 anos dentro da programación do +Xti incluída, posta en marcha pola área de Xuventude e Deportes enmarcada no Plan Nacional Sobre Drogas.