Auxilio a cidadáns

Ás 20’10 horas do luns, a Sala do 092 recibe a chamada de auxilio dunha persoa que di atoparse indisposta, con síntomas de ansiedade, no seu domicilio de Alfredo Brañas, polo que se comisiona no lugar un indicativo da Unidade Territorial de Policía de Barrio. Os axentes comproban que a requirente presenta dificultade para respirar, sendo informados de que se atopa a tratamento por asma. Posteriormente preséntase unha ambulancia, previamente requirida polos axentes, que determinan o seu traslado a un centro sanitario para unha valoración máis completa.

Á 1’20 horas do martes, un indicativo do Grupo Operativo Nocturno que realizaba patrulla preventiva pola rúa Pintor Villamil observa a presenza dun home, de avanzada idade, deambulando pola vía pública e con aparencia de desorientado, polo que contactan con el, sendo informados de que o home era incapaz de lembrar onde estaba o seu domicilio. Os axentes, tras acompañar ao home por varias rúas próximas, conseguiron localizar a vivenda do home, ao cal deixaron no interior do domicilio.

Colaboración con 061

Á 1’55 horas do mesmo día, outra patrulla do Grupo Operativo Nocturno foi comisionado nunha vivenda da Rúa da Bouza, onde o Servizo 112 require a presenza policial para colaborar co 061, que se dirixe ao lugar para atender a unha persoa alterada e agresiva. Os axentes mantéñense no lugar, tranquilizando á muller ata a chegada dos servizos sanitarios, que deciden o seu traslado a un centro sanitario.

Molestias por ruídos

Ás 11’20 horas do luns, un indicativo de Policía de Barrio trasladouse a unha vivenda da rúa Río Cabe, onde unha veciña queixábase das molestias que causaban os constantes ladridos dun can, situado nun inmoble da rúa Alexandre Bóveda, que se escoitaban tanto de día como de noite. A través dunha das xanelas da vivenda, os axentes comproban que se escoita ladrar ao animal de forma ocasional, polo que, realizadas as investigacións necesarias localizan o inmoble que se corresponde coa leira observada pola xanela, onde non obteñen resposta algunha.

Finalmente púidose localizar ao propietario, que manifestou que o can ladraba cando algún veciño lanzáballe cousas, aínda que non podía causar molestias de noite, xa que o retiraba do lugar todos os días ás 21’00 horas, quedando decatado das queixas recibidas.

Ás 6’50 horas do luns, axentes da Unidade Territorial de Policía de Barrio trasladáronse a un domicilio de Paxariños, onde unha veciña manifestaba sufrir molestias toda a noite polo ruído procedente doutro dos pisos do inmoble. Os axentes comprobaron de onde procedía o ruído e contactaron cun dos moradores do domicilio, que dixo que adoitaba xogar á consola durante a noite e que, en diante, trataría de non causar máis molestias.

Ás 23’20 horas do luns, un indicativo do Grupo Operativo Nocturno trasladouse a unha vivenda da rúa Montero Ríos, onde unha veciña queixábase das molestias causadas desde outro piso. Unha vez no lugar, a requirente informou de que as molestias eran frecuentes, causadas por golpes, berros e xogos durante as horas de descanso. Os axentes contactan coa moradora do piso, a cal manifesta estar ao tanto das molestias que causan os seus fillos, desculpándose por iso e comprometéndose a remediar a situación.