A Alcaldesa de Lugo, Paula Alvarellos, recibiu no salón de plenos da Casa do Concello a 15 persoas refuxiadas que forman parte do programa de protección internacional desenvolvido pola entidade social Diaconía. Acompañada pola concelleira de Benestar e Maiores, Olga López Racamonde, a rexedora destacou o carácter acolledor e inclusivo de Lugo, afirmando que "Lugo sempre foi unha cidade aberta á diversidade e comprometida coa integración."

"Estas persoas refuxiadas mostran unha resiliencia admirable, e dende o Concello queremos asegurarlles que non están soas. Esta é a súa nova casa, e estamos aquí para camiñar ao seu carón neste novo proxecto de vida," concluíu Paula Alvarellos.