A área de Xuventude, que dirixe Ana Abelleira, vén de pór en marcha unha nova actividade enmarcada na programación do +Xti, organizada polo Concello e subvencionada polo Plan Nacional de Drogas. Trátase de sesións formativas, dirixidas á mocidade universitaria e á deportista, a través de residencias universitarias e dos clubes de deporte da cidade, sobre o abuso de alcol e outras adiccións, como o tabaco, internet, videoxogos ou apostas, entre outras.

As sesións celebraranse ao longo do que queda de ano (outubro, novembro e decembro). Empezarán o vindeiro día martes, 20 de outubro, coa colaboración do ADC Lugo Sala; sesións que continuarán os días 23 e 27 ao redor das 20:00 horas no local do Pazo de Feiras e Congresos.  Neste mesmo mes tamén se fará unha intervención na residencia Abeiro, concretamente o día 29, en quenda de tarde.  En todas as sesións os grupos serán reducidos, adaptándose á normativa actual vixente da covid-19.  A actividade será impartida polo psicólogo Iván Pico e técnicos do Servizo Municipal de Prevención de Drogas e outras adiccións.

O obxetivo desta programación de sensibilización é traballar dende a base tanto cos clubes deportivos, donde tamén se dan consumo aínda que o deporte poda ser un factor de protección, pero detéctanse consumos de alcol e tamén dependencias en relación ao xogo de apostas e abuso das tecnoloxía , sobre todo en redes sociais; como tamén cas e cos universitarios, etapa donde se abusa do  consumo de alcol, e nalgúns casos se experimenta por primeira vez con el ou cos primeiros consumos doutras substancias e doutras adiccións.