A Alcaldesa de Lugo, Lara Méndez, a Deputada de Cultura, Artesanía e Deseño, Pilar García, e a presidenta da Asociación de Autónomas de Lugo, Nora Real, inauguraron este venres a VII Feira Outlet, coa que colabora o Concello. Na súa intervención, a rexedora agradeceu o traballo deste colectivo por potenciar o comercio lugués e por dinamizar a vida da cidade.

Dende hoxe e ata domingo, na praza Anxo Fernández Gómez, 26 negocios lucenses porán á venda stocks de zapatería, téxtil, xoiería, fogar, pel, agasallos, beleza, deporte ou accesorios de mascotas, con descontos de ata o 80%.