A Concelleira de Cultura, Turismo, Xuventude e Promoción da Lingua, Carmen Basadre, inaugurou este xoves a mostra No abandero la senda ni me opongo a la causa pero no dejaré nunca de insistir, no cesaré en el empreño hasta convertir el territorio en mi estatura, de Jesús Otero-Yglesias. Tratáse dunha exposición que reúne obxectos e pinturas acrílicas, que transforma o Museo Interactivo da Historia de Lugo (MIHL) en gran paisaxe e narración.  

A exposición poderase visitar no MIHL ata o 15 de outubro, de martes a sábado, de 11:00 a 13:00 horas e de 17:00 a 20:00 horas, e os domingos, de 17:00 a 20:00 horas. A entrada é de balde.