A artistas Aurora Abraira amosa a súa pintura "nunha instalación referencial para a arte galega".
Ferreiro: "Traballamos para achegar á veciñanza propostas distintas pero profundamente galegas, o Vello Cárcere continúa a ser un espazo onde a arte vive, emociona e dialoga coa veciñanza".
A concelleira de Cultura, Turismo e Promoción da Lingua, Maite Ferreiro, anunciou a chegada dunha nova exposición ao Centro Cultural O Vello Cárcere, que estará abertas ao público durante o mes de abril. A nova mostra, a cargo da pintora Aurora Abraira, poderá visitarse nas instalacións da pranta baixa ao longo do mes.
A nova exposición, titulada Nova Vida, nace, segundo a artista, "da recuperación de ventás que se retiran das casas". A mostra xunta 17 ventás e cadros elaborados en óleo sobre tela "inspirados nas miñas vivenzas da nenez en Galiza ou cun toque mediterráneo, froito dos case 50 anos vividos en Catalunya".
Maite Ferreiro destacou a importancia do Vello Cárcere no contexto cultural lucense. Segundo a edil de Cultura "achegamos á veciñanza propostas distintas pero profundamente galegas", explicou, que engadiu "seguimos a comprometernos coa promoción da arte galega tanto con artistas emerxentes como con mostras de artistas consolidadas no panorama cultural de Galiza".
