Un total de 32 espectáculos de teatro, danza e propostas familiares encherán o Auditorio entre xaneiro e maio
Ferreiro: "Queremos que sexa un espazo de encontro e participación, onde veciñas e veciños descubran novas propostas artísticas e sigan facendo da cultura un sinal de identidade de Lugo"
5 dos espectáculos programados recibiron premios como os Fetén ou Max, e contarase coa actriz María Galiana, gañadora de premios como o Goya ou o Iris, e da Medalla de Ouro das Belas Artes
A concelleira de Cultura, Turismo e Promoción da Lingua, Maite Ferreiro, presentou hoxe a programación cultural do primeiro semestre do ano no Auditorio Municipal Gustavo Freire. A oferta inclúe 32 espectáculos de teatro, danza e propostas para público familiar e de primeira infancia, que terán lugar entre xaneiro e maio.
Ferreiro explicou que "organizamos a programación arredor de tres grandes liñas: teatro e artes escénicas para público adulto, propostas familiares e de primeira infancia, e unha aposta pola danza contemporánea. O obxectivo é que toda a cidadanía, desde as máis pequenas ata as persoas maiores, teñan ocasión de gozar da cultura en Lugo".
O semestre inclúe 14 espectáculos de teatro e 6 de danza. Ferreiro sinalou que "as propostas para o público adulto abordan temáticas actuais e universais, con linguaxes que van desde o teatro clásico reinterpretado ata o circo contemporáneo, sempre cunha clara vontade de chegar a un público diverso".
O Auditorio acollerá tamén 12 espectáculos dirixidos ao público máis novo e ás súas familias, con pezas de teatro, circo e marionetas a cargo de compañías recoñecidas como Xip Xap Teatre, Xarope Tulú, Mamá Cabra ou a Compañía Sharon Fridman. Segundo a concelleira, "é fundamental que as crianzas medren coa cultura, por iso ofrecemos espectáculos pensados para diferentes idades, desde os 18 meses ata a adolescencia, combinando entretemento e aprendizaxe".
As entradas terán un prezo único de 5 euros para público adulto e danza e de 3 euros para espectáculos familiares e de primeira infancia, con descontos do 30 % para persoas en paro, menores de 30 anos, pensionistas e membros da AAAG. Ademais, poderanse adquirir bonos para a programación de adultos (42€, que inclúe as 14 representacións), bonos a programación familiar (20€, 10 representacións), e bonos para a programación de danza (18€, 6 representacións)
Programación teatral 1º semestre 2026
11 de xaneiro. 18:30
“Sé tortuga” de Xip xap Teatre (familiar)
Premio Provincia a Escena (2024). Feira de Teatro de Castela e León.
Premio Edebé de Literatura Infantil (2023) para a obra orixinal "Sé Tortuga" de Agustín Sánchez Aguilar.
15 de xaneiro. 20:30
“Manual de Patronaxe” de Teatro do Noroest (adulto)
18 de xaneiro. 18:30
“A Tarabela Ambulante: IDEA” de Tarabela Creativa (familiar)
22 de xaneiro. 20.30
“Matres” de Campi qui Pugui (adulto)
Premio do Público ea Mostra de Igualada, Mellor Autoría en FETEN, e Mellor Espectáculo Familiar nos Premios da Crítica de Artes Escénicas de Cataluña, ademáis de ser candidata aos Premios MAX.
25 de xaneiro. 18:30
“Berenguela na Gaiola” de Galeatro + Xarope Tulú + CDG (familiar)
Obra gañadora do IV Certame Manuel María de Proxectos Teatrais.
29 de xaneiro. 20:30
“Yo solo quiero irme a Francia” de Contraproducións (adulto)
O espectáculo está protagonizado por María Galiana, grandísima actriz de cine e de teatro, gañadora dos máis importantes premios como o Goya ou Mérito a las Bellas Artes do Ministerio de Cultura. Xunto a ela, subiranse ás táboas Nieves de Medina, Anna Mayo e a galega Alicia Armenteros.
30 de xaneiro. 20:30
“NIK.EU 2.0” de iXA (danza)
1 de febreiro. 18:30
“La gata que quería cambiar la historia” de Thomas Noone Cia (familiar)
5 de febreiro. 20:30
“Memorias dun neno labrego” de Contraproducións (adulto)
8 de febreiro. 18:30
“Bosque” de Mamá Cabra & Aurora (familiar)
12 de febreiro. 20:30
“Ubasute” de Berrobambán (adulto)
19 de febreiro. 20:30
“A metamorfose” de Sarabala Teatro (adulto)
20 de febreiro. 20:30
“ALÉN” de Colectivo Glovo (danza)
22 de febreiro. 17:00 e 18:30.
“Paisajes de oro” de Compañia Sharon Fridman (1ª infancia)
Premio Mellor espectáculo de danza FETEN(2025).
26 de febreiro. 20:30
“Xoguetes rotos” de Barrosanta e Butacazero (adulto)
27 de febreiro. 20:30
“BenQuerer, Fran Sieira báilalle a Caamaño&Ameixeiras” de Fran Sieira Compañía de danza (danza)
1 de marzo. 17:00 e 18.30
“Pié inquieto” de Cia La clá (1ª infancia)
5 de marzo. 20:30
“RIAZOR OSTIA” de Os náufragos teatro (adulto)
27 de marzo. 20:30
“3 Pezas curtas(Frammenti + Flores Negras + So-fa(r) From me)” de Cie. Twain + Cia. Acerina H Toledo + Cía Marta Alonso Tejada (danza)
9 de abril. 20:30
“Alta Costura” de Elefante Elegante (adulto)
16 de abril. 20:30
ICTUS (a derradeira leición de anatomía do Dr. Castelao) de Chévere e CDN (adulto)
17 de abril. 20.30h
“Monte – Versión estendida” de Laboratorio Escénico S Coop Galega (danza)
12 de abril. 18:30
“O libro da selva, o musical” de Artika Cía (familiar)
19 de abril. 18:30
“Isaura e Tristán. Contastorias” de Fantoches Baj (familiar)
23 de abril. 20:30
“Alicia wants to...” de Bengala Teatro Físico (adulto)
26 de abril. 18:30
“Singularia” de Magia en la manga (familiar)
30 de abril. 20:30
“Bio Construción” de Ibuprofeno Teatro (adulto)
3 de maio. 18:30
“Mr Bo” de Marie de Jongh (familiar)
Premio a Mellor Espectáculo na Mostra d'Igualada 2024.
Finalista nos Premios Max 2025.
7 de maio. 20:30
“Cortello de amor” de Amorodio Teatro (adulto)
14 de maio. 20:30
“Do reino (e) dos amores proscritos” de Alóproducións (adulto)
17 de maio. 18:30
“O arcón de Noa” de Amarelo Cía (familiar)
29 de maio. 20:30
“Marea Familiar(Family Tide) + Soño Profundo(Dream in the Back of Your Head)” de Khambatta Dance Company (danza)
Compañía de Seattle (USA).