A Alcaldesa escoita nunha xuntanza as demandas dos veciños da rúa Castelao ante a inoperancia da Xunta

O Goberno galego “tivo durante dous anos nun caixón as denuncias da Policía Local, sen asumir a súa responsabilidade”

Luns, 25 de xaneiro de 2016
Fonte: 
Gabinete de Prensa
A Alcaldesa escoita nunha xuntanza as demandas dos veciños da rúa Castelao ante a inoperancia da Xunta

A Alcaldesa de Lugo, Lara Méndez, mantivo este luns no Salón de Comisións unha reunión cuns quince veciños da rúa Castelao co fin de abordar a problemática que denuncian en relación coa movida nocturna desta zona e trasladar os pasos que está dando o Concello para buscar unha solución ante inoperancia da Xunta.

Neste senso, a rexedora explicou que o Goberno galego, a través da Consellería de Presidencia, remitiulle ao Concello a finais do ano pasado un conxunto de denuncias a establecementos hostaleiros, entre elas unha trintena dun situado na rúa Castelao, formuladas pola Policía Local –que datan de entre decembro de 2014 e xullo de 2015-. A Xunta alega que a reforma lexislativa materializada pola Lei de Seguridade Cidadá –que entrou en vigor o 1 de xullo de 2015- desposúe á xefatura territorial de Presidencia da competencia de incoar, instruír e resolver os expedientes sancionadores pola comisión de infraccións en materia de espectáculos e actividades recreativas, entendendo que a partir dese momento deben ser as entidades locais as que teñen que asumilas. Co fin de aclarar este punto e determinar as responsabilidades e competencias de cada institución, o Goberno ten solicitado un informe á Asesoría Xurídica municipal.

De calquera xeito, a Alcaldesa puxo de manifesto que a gran maioría das denuncias a establecementos remitidas pola Xunta ao Concello a finais de ano foron presentadas pola Policía Local antes de que entrase en vigor a devandita Lei de Seguridade Cidadá. Polo tanto, a Xunta estivo “dous anos sen asumir a súa responsabilidade, sen facer nada, coas denuncias metidas nun caixón”.

Noticias relacionadas