Área de Cohesión Social e Territorial

Actualidade

O campo municipal José María Rodríguez Lago, nas Gándaras, acollerá un torneo de fútbol base con 500 rapaces e rapazas
Sábado, 23 de marzo de 2024

Terá lugar o vindeiro luns e martes organizado pola ADC Sagrado Corazón co apoio do Concello e reunirá a 36 equipos chegados de toda a comunidade e da provincia de León.

Jorge Bustos: “Lugo converterase nunha das cidades máis importantes do fútbol base de toda Galicia, dándose cita no noso municipio moitas das mellores canteiras do país”.

Xuventude ofrece un curso gratuíto de pesca deportiva no río Miño impartido polo pentacampeón do mundo, David Arcay
Venres, 22 de marzo de 2024

Trátase da segunda edición desta iniciativa que se puxo en marcha por primeira vez o pasado ano con gran éxito. Terá lugar nos meses de abril, maio e xuño.

Jorge Bustos: “É unha magnífica ocasión tanto para iniciarse neste deporte como para mellorar a técnica, pois contaremos cun docente de luxo cun palmarés envexable”.

En total haberá 48 prazas dispoñibles, divididas en 4 grupos, dous de iniciación e outros dous de perfeccionamento. As inscricións abrirán este martes 26 en www.lugomasxti.org

O Goberno de Lugo continúa o paseo das Palabras do Ano da rúa Menorca coa Palabra do Ano 2023, décima palabra do ano escollida desde o comezo da iniciativa
Xoves, 21 de marzo de 2024

Maite Ferreiro e Rubén Arroxo visitaron a rúa Menorca xunto co presidente da RAG, Víctor Freixanes.

Rubén Arroxo: "continuamos un ano máis con esta iniciativa para poñer en valor a lingua galega e para visibilizar esta iniciativa anual do Portal das Palabras".