A praza do Campo Castelo acolle este venres un novo noiteo Localmente Lucense coa actuación do mago David Méndez

    A actividade enmárcase no Plan de dinamización de barrios posto en marcha pola alcaldesa para fomentar as compras e o consumo nos establecementos da cidade.

    Lara Méndez: “Os tardeos e noiteos serven, así mesmo, para fomentar as relacións interxeracionais entre a veciñanza e a socialización”.

    Toda a programación, que se desenvolve desde a concellería de Desenvolvemento Local e Emprego, pode consultarse en: https://localmentelucense.gal/.

    Venres, 08 de xullo de 2022
    Fonte: 
    Gabinete de Prensa
    A praza do Campo Castelo acolle este venres un novo noiteo Localmente Lucense coa actuación do mago David Méndez

    A praza do Campo Castelo acollerá este venres un novo noiteo enmarcado no movemento Localmente Lucense, posto en marcha pola rexedora Lara Méndez para fomentar as compras e o consumo nos establecementos e comercios de proximidade da cidade. A cita terá lugar de 21:00 a 23:00 horas e contará coa actuación do mago David Méndez.

    A alcaldesa lembrou que “estas actividades serven, así mesmo, para fomentar as relacións interxeracionais entre a veciñanza e a socialización, dous aspectos que cobraron se cabe máis importancia tralas restricións que ocasionou a pandemia”.

    Os noiteos e os tardeos, que se celebrarán durante a tempada de verán, nas diferentes prazas de Lugo –estes últimos en horario de 17:00 a 20:00 horas– forman parte do Plan de dinamización de barrios do executivo municipal.

    O outro piar no que se asenta Localmente Lucense é o Plan de fomento do emprendemento e consolidación empresarial, a través do que se están a organizar diferentes actividades destinadas ao tecido emprendedor da cidade como almorzos de negocios, charlas de alto impacto, ou xornadas formativas.

    Toda a programación, xunto con información puntual de actividades, que se desenvolve desde a concellería de Desenvolvemento Local e Emprego pódese consultar a través da seguinte ligazón: https://localmentelucense.gal/

    Programación de noiteos para o mes de xullo, de 21:00 a 23:00 horas

    VENRES 8

    • Pr. Do Campo Castelo
    • Actuación do mago David Méndez

    LUNS 11

    • Rúa Divina Pastora
    • Actuación musical con Wicked World

    MÉRCORES 13

    • Fonte dos Ranchos
    • Actuación musical con Xeosmina

    VENRES 15

    • Recatelo con Rúa Díaz Pardo
    • Actuación musical con Sonâmbulum

    SÁBADO 16

    • Pr. do Campo
    • Actuación musical con Rut León y Familia

    LUNS 18

    • Rúa Divina Pastora
    • Mago Lolo

    MÉRCORES 20

    • Pr. da Soidade
    • “Penso, Lugo desisto”, monólogo de Lois Pérez

    VENRES 22

    • Rúa Divina Pastora
    • Actuación musical con Jorobados del Miño

    SÁBADO 23

    • Ponte Romana
    • Actuación musical con The Old Project

    MÉRCORES 27

    • Pr. Augas Férreas
    • Actuación musical con The Lioness Treasure

    VENRES 29

    • Pr. do Campo
    • Actuación de charanga

    SÁBADO 30

    • Rúa Divina Pastora
    • Actuación musical con César de Centi

    Noticias relacionadas