A alcaldesa de Lugo, Paula Alvarellos, recibiu hoxe ao conselleiro da Corte de Apelación de Roma, Galileo D’Agostino, e ao expresidente da Audiencia Provincial de Lugo e actual maxistrado no Tribunal Superior de Xustiza de Galicia, José Antonio Varela Agrelo. O encontro, que forma parte do programa de intercambio de maxistrados da Rede Europea de Escolas Xudiciais, subliña a cooperación internacional en materia xudicial.

“É unha honra recibir a figuras como Galileo D'Agostino, cuxa traxectoria na Corte de Apelación de Roma e como maxistrado de enlace entre Italia e España é un referente en Europa”, sinalou a alcaldesa. Ademais, Alvarellos expresou a súa satisfacción por compartir con ambos profesionais: “Como avogada de formación, fáime especial ilusión poder intercambiar impresións con colegas que fixeron tanto pola xustiza, como Varela Agrelo, que segue a aportar moito dende o TSXG”.